અંગતપળનો વીડિયો વાયરલ કરવાની ધમકીથી યુવાનનો સગીરા સાથે આપઘાત

ગાંધીનગરમાં પ્રેમીપંખીડાએ કેનાલમાં પડતું મૂકીને આપઘાત કરી લેતા ચકચાર મચી હતી. આપઘાત કરવા પાછળનું કારણ પણ હેરાનીભર્યું હતું. 24 વર્ષીય સાહિલ ઠાકોર અને તેની 16 વર્ષની પ્રેમિકાએ ગાંધીનગરમાં નર્મદા કેનાલમાં પડતું મૂકીને મોતને ગળે લગાવી લીધું હતું. હકીકતમાં સાહિલ અને તેની ગર્લફ્રેન્ડ અંગત પાળો માણી રહ્યાં હતા અને આ દરમિયાન બે શખ્સો અશફાક રાઠોડ અને શાહરુખ બેલિમે તેમનો અંગત પળોનો વીડિયો ઉતારી લીધો હતો.

અને પછી વીડિયો દેખાડીને સાહિલને કહેવા લાગ્યાં કે તારી ગર્લફ્રેન્ડે અમારી બન્ને સાથે સંબંધ રાખવો પડશે નહીંતર તમારો વીડિયો વાયરલ કરી દેવામાં આવશે. ચિલોડા પોલીસ ઈન્સ્પેક્ટર આર.આર. પરમારે જણાવ્યું હતું કે આરોપીઓને એક દિવસના રિમાન્ડ બાદ જ્યુડિશિયલ કસ્ટડીમાં મોકલવામાં આવ્યા હતા, આરોપીઓએ તેમના ફોનમાંથી વીડિયો કાઢી નાખ્યા હતા જોકે આરોપીઓએ અંગત પળોનો વીડિયો શૂટ કર્યો હોવાનો ઈન્કાર કર્યો છે. બન્નેએ ખાલી એટલું કહ્યું કે તેમની પાસે કપલ સાથે બેઠેલાનો વીડિયો છે. તેમની સામે આત્મહત્યા માટે મજબૂર કરવાનો ગુનો નોંધવામાં આવ્યો છે, પોલીસ વધુ તપાસ કરી રહી છે.