For the best experience, open
https://m.gujaratmirror.in
on your mobile browser.
Advertisement

બટલરે એક ઓવરમાં ફ્ટકાર્યા 5 છગ્ગા, ઇંગ્લેન્ડને 10 વિકેટે હરાવ્યું

12:17 PM Jun 24, 2024 IST | admin
બટલરે એક ઓવરમાં ફ્ટકાર્યા 5 છગ્ગા  ઇંગ્લેન્ડને 10 વિકેટે હરાવ્યું

ક્રિસ જોર્ડન ઝ-20 વર્લ્ડ કપ 2024માં હેટ્રિક લેનાર બીજો બોલર બન્યો

Advertisement

ઈંગ્લેન્ડે 62 બોલ બાકી રહેતાં યુએસએને 10 વિકેટથી હરાવ્યું છે. યુએસએના બોલરો જોસ બટલર અને ફિલિપ સોલ્ટની ઓપનિંગ ભાગીદારીને તોડી શક્યા ન હતા. કેપ્ટન બટલરે 38 બોલમાં 83 રનની ઝડપી ઈનિંગ રમીને ઈંગ્લેન્ડની જીતમાં મહત્વનું યોગદાન આપ્યું હતું. યુએસએ પ્રથમ રમતા 115 રન બનાવ્યા હતા અને સહ યજમાન ટીમ માટે નીતિશ કુમારે સૌથી વધુ રન બનાવ્યા હતા. નીતિશે 24 બોલમાં 30 રનની ઇનિંગ રમી હતી. લક્ષ્યનો પીછો કરતી વખતે ઇંગ્લેન્ડે પાવરપ્લેમાં એકપણ વિકેટ ગુમાવ્યા વિના 60 રન બનાવી લીધા હતા.

ટોસ હાર્યા બાદ યુએસએને પ્રથમ બેટિંગ માટે આમંત્રણ આપવામાં આવ્યું હતું. ટીમના 7 બેટ્સમેન ડબલ ફિગરને પણ સ્પર્શી શક્યા ન હતા અને છેલ્લા 4 બેટ્સમેન પોતાનું ખાતું પણ ખોલી શક્યા ન હતા. યુએસએ તરફથી નીતિશ કુમારે 30 રન અને કોરી એન્ડરસને 29 રનનું યોગદાન આપ્યું હતું. ખેલાડીઓ વચ્ચે કોઈ મોટી ભાગીદારી થઈ શકી નહીં, જેના કારણે યુએસએ માત્ર 115 રન જ બનાવી શક્યું. કેપ્ટન એરોન જોન્સે 10 રન અને હરમીત સિંહે પણ 21 રનનું મહત્વનું યોગદાન આપ્યું હતું.

Advertisement

116 રનના ટાર્ગેટનો પીછો કરવા ઉતરેલી ઈંગ્લેન્ડને જોસ બટલર અને ફિલિપ સોલ્ટે શાનદાર શરૂઆત કરી હતી. ડિફેન્ડિંગ ચેમ્પિયન ટીમના બેટ્સમેનોએ ત્રીજી ઓવરથી જ વેગ પકડવાનું શરૂૂ કર્યું અને પાવરપ્લે ઓવરના અંત સુધીમાં ટીમનો સ્કોર 60 રન સુધી પહોંચી ગયો. ઈંગ્લેન્ડના કેપ્ટન જોસ બટલરે 32 બોલમાં પોતાની ફિફ્ટી પૂરી કરી અને આ મેચમાં વિસ્ફોટક શૈલીમાં બેટિંગ કરીને 36 બોલમાં 78 રન બનાવ્યા. આ દરમિયાન તેણે હરમીત સિંહની એક જ ઓવરમાં 5 સિક્સર ફટકારી હતી. હરમીતની ઓવરમાં કુલ 32 રન આવ્યા.
ઇંગ્લેન્ડનો ક્રિસ જોર્ડન ટી20 વર્લ્ડ કપ 2024માં હેટ્રિક લેનારો બીજો બોલર બની ગયો છે. તેના પહેલા ઓસ્ટ્રેલિયાના પેટ કમિન્સે આ વર્લ્ડ કપમાં બે વખત હેટ્રિક લીધી હતી. જોસ બટલર અને ફિલિપ સોલ્ટે શાનદાર શરૂઆત કરી હતી.

Advertisement
Tags :
Advertisement
Advertisement