For the best experience, open
https://m.gujaratmirror.in
on your mobile browser.
Advertisement

કુવૈત અગ્નિકાંડમાં મૃત્યુ પામેલા 45 ભારતીયોના મૃતદેહ ભારત લવાયા

11:31 AM Jun 14, 2024 IST | Bhumika
કુવૈત અગ્નિકાંડમાં મૃત્યુ પામેલા 45 ભારતીયોના મૃતદેહ ભારત લવાયા
Advertisement

કુવૈતમાં ભીષણ આગમાં મૃત્યુ પામેલા 45 લોકોની ઓળખ ભારતીય તરીકે કરવામાં આવી છે. આ બિલ્ડિંગમાં 196 પરપ્રાંતિય કામદારો કામ કરી રહ્યા હતા. મૃતકોમાં ત્રણ ઉત્તર પ્રદેશના, 24 કેરળના, સાત તમિલનાડુના અને ત્રણ આંધ્રપ્રદેશના હતા. તે જ સમયે, ભારતીય વાયુસેનાનું એક વિશેષ વિમાન, ઈ-130ઉં, શુક્રવારે સવારે 45 મૃત ભારતીયોના મૃતદેહોને લઈને કોચી માટે રવાના થયું હતુ. ભારતીય દૂતાવાસે આ અંગે માહિતી આપી છે. દૂતાવાસે કહ્યું કે વિદેશ રાજ્ય મંત્રી કીર્તિ વર્ધન સિંહ પણ આ જ વિમાન દ્વારા પરત ફરી રહ્યા છે. કુવૈતમાં આગની ઘટનામાં મૃત્યુ પામેલા 45 ભારતીયોના મૃતદેહને લઈને ભારતીય વાયુસેનાનું એક વિશેષ વિમાન ભારત પહોંચ્યુ હતુ. કોચીન ઈન્ટરનેશનલ એરપોર્ટ પર પોલીસ ફોર્સ અને એમ્બ્યુલન્સ તૈનાત કરવામાં આવી હતી.

વાયુસેનાનું સુપર હર્ક્યુલસ વિમાન 45 મૃતદેહો સાથે કુવૈત રવાના થયું છે. પહેલા આ પ્લેન કેરળના કોચીમાં લેન્ડ થશે, કારણ કે મોટાભાગના મૃતકો ત્યાંના હતા. આ પછી પ્લેન દિલ્હી રવાના થયું તું અહીંથી મૃતદેહોને સંબંધિત રાજ્યોમાં મોકલવામાં આવ્યા હતા.

Advertisement

યુપીના મૃતકોની ઓળખ વારાણસીના માધવ સિંહ, ગોરખપુરના જયરામ ગુપ્તા અને અંગદ ગુપ્તા તરીકે થઈ છે. તે જ સમયે, આંધ્રપ્રદેશના મૃતકોમાં શ્રીકાકુલમ જિલ્લાના ટી લોકાનંદમ, એમ સત્યનારાયણ અને પશ્ચિમ ગોદાવરી જિલ્લાના એમ એશ્વરુડુની ઓળખ કરવામાં આવી છે. આરબ ટાઇમ્સે કુવૈતના પ્રથમ નાયબ વડા પ્રધાન શેખ ફહદ અલ-યુસેફ અલ-યુસેફને ટાંકીને જણાવ્યું હતું કે અધિકારીઓએ અત્યાર સુધીમાં 48 મૃતદેહોની ઓળખ કરી છે. કુવૈતના દક્ષિણી શહેર મંગાફમાં સાત માળની ઇમારતમાં થયેલા અકસ્માતમાં 49 લોકોના મોત થયા હતા, જ્યારે 50થી વધુ લોકો ઘાયલ થયા હતા.

Advertisement
Tags :
Advertisement
Advertisement