For the best experience, open
https://m.gujaratmirror.in
on your mobile browser.
Advertisement

કચ્છના ફાયરિંગ-હત્યામાં ભાજપ નેતાની ધરપકડ

12:10 PM May 22, 2024 IST | Bhumika
કચ્છના ફાયરિંગ હત્યામાં ભાજપ નેતાની ધરપકડ
Advertisement

જિલ્લા પંચાયતના મહિલા સભ્યના પતિની સંડોવણી ખૂલી

કચ્છના કાનમેરમાં ફાયરિંગ અને હત્યાના કેસમાં પોલીસની તપાસમાં રાજકીય કનેક્શન ખૂલ્યું છે. કચ્છ ફાયરિંગ અને હત્યામાં રાજકીય લોકોની સંડોવણી હોવાનો મોટો ખુલાસો થયો છે. પ્રાપ્ત અહેવાલ અનુસાર, જિલ્લા પંચાયત ભાજપના સભ્યના પતિનું નામ આ કેસમાં સામે આવતા પોલીસે તેમની ધરપકડ કરી છે. રાજકીય વગ ધરાવતા આગેવાનની ધરપકડ થતા ચકચાર મચી જવા પામી છે. પોલીસે તેમના ઘર સહિતનાં સ્થળ પર તપાસ હાથ ધરી હતી.

Advertisement

કચ્છનાં કાનમેરમાં ફાયરિંગ અને હત્યાનાં કેસમાં મોટા અપડેટ આવ્યા છે. આ કેસને લઈ પોલીસની તપાસમાં રાજકીય લોકોની સંડોવણી સામે આવી છે. પ્રાપ્ત અહેવાલ અનુસાર, આ કેસમાં જિલ્લા પંચાયત બીજેપીના સભ્યના પતિ નરેન્દ્રદાન ગઢવી સહિત ત્રણ લોકોનું નામ બહાર આવ્યું છે. આ કેસમાં નરેન્દ્રદાન ગઢવીની ધરપકડ કરાઈ હોવાના અહેવાલ છે. જ્યારે, ભચાઉ નગરપાલિકાના પૂર્વ પ્રમુખ અશોકસિંહ ઝાલા અને રાજકીય આગેવાન દિલીપ અયાચી પણ આ કેસમાં સામેલ હોવાનો આરોપ છે. આ બંને હાલ પોલીસ પકડથી ફરાર હોવાની માહિતી છે. આ મામલે પોલીસે આરોપીઓના ઘર સહિતના સ્થળે તપાસ આદરી છે.

કચ્છમાં મીઠાના અગરો માટે જમીન પર કબ્જો મેળવવા મામલે વિવાદ થતા કાનમેરના રણમાં ફાયરિંગ સહિત ધાતક હથિયાર સાથે થયેલા હુમલામાં એકનું મોત થયું હતું. આ કેસમાં અગાઉ 10 ગુનાહિત ઇતિહાસ ધરાવતા શખ્સો સહિત 16 આરોપીની ધરપકડ કરી 7 દિવસના રિમાન્ડ મેળવ્યા હતા. પોલીસે આરોપીઓને સાથે રાખીને ઘટના સ્થળ સહિત હાઇવે હોટેલ અને કાનમેર ગામમાં ઘટનાનું રિક્ધસ્ટ્રક્શન પણ કર્યું હતું. ત્યારે હવે આ કેસમાં રાજકીય લોકોની સંડોવણી સામે આવતા પોલીસે સઘન તપાસ હાથ ધરી છે.

Advertisement
Tags :
Advertisement
Advertisement