For the best experience, open
https://m.gujaratmirror.in
on your mobile browser.
Advertisement

ભુજના સ્મૃતિવન મેમોરિયલ મ્યુઝિયમને વિશ્ર્વના 7 સૌથી સુંદર મ્યુઝિયમમાં સ્થાન

12:11 PM Jun 15, 2024 IST | admin
ભુજના સ્મૃતિવન મેમોરિયલ મ્યુઝિયમને વિશ્ર્વના 7 સૌથી સુંદર મ્યુઝિયમમાં સ્થાન
Advertisement

આર્કિટેકચરલ ડિઝાઇન ક્ષેત્ર માટે યુનેસ્કો દ્વારા એવોર્ડ

ગુજરાતના મુખ્યમંત્રી ભૂપેન્દ્ર પટેલે પોતાના X અકાઉન્ટ પર એક વીડિયો શેર કર્યો છે. જેમાં તેમણે ગુજરાત માટે ગર્વ લેવા જેવી વાત શેર કરી છે. જેમાં UNESCO ખાતે પ્રતિ વર્ષ જાહેર કરવામાં આવતા આર્કિટેક્ચર અને ડિઝાઈન ક્ષેત્રના પ્રતિષ્ઠિત ઙPrix Versailles એવોર્ડ ભુજના સ્મૃતિવન ભૂકંપ મેમોરિયલ મ્યુઝિયમને મળ્યો હોવાનું જણાવ્યુ છે.

Advertisement

મુખ્યમંત્રીએ કહ્યું કે, ભારતના કોઈ મ્યુઝિયમને પહેલીવાર આ પ્રકારે સ્થાનિક સંસ્કૃતિ અને પ્રકૃતિ સંરક્ષણની અભિવ્યક્તિ માટે વૈશ્વિક માન્યતા પ્રાપ્ત થઈ છે, તે ગુજરાત માટે ગર્વની વાત છે.
2001 ના વિનાશક ભૂંકપનો ભોગ બનનાર લોકોની સ્મૃતિમાં અને કચ્છની ખુમારીને વંદન રૂૂપે મ્યુઝિયમ બનાવવામાં આવે તેવું ગુજરાતના તત્કાલીન મુખ્યમંત્રી અને હાલ દેશના વડાપ્રધાન નરેન્દ્ર મોદીનું વિઝન હતું.
મુખ્યમંત્રીએ લખ્યું કે, આ વિઝન અનુસાર, ભુજમાં સ્મૃતિ વનનું નિર્માણ કરવામાં આવ્યું છે. ભૂજિયા ડુંગર પર હજારો વૃક્ષોની હરિયાળી વચ્ચે નિર્મિત આ મ્યુઝિયમની ડિઝાઈન અદ્ભુત છે. આ મ્યુઝિયમ પડકારોને હિંમતભેર ઝીલીને તેમાંથી નવસર્જન કરવાની ગાથા છે. આ મ્યુઝિયમ પરમતત્વની અલૌકિક અનુભૂતિ છે. સ્મૃતિવનના નિર્માણ અને વ્યવસ્થાપન સાથે સંકળાયેલ સમગ્ર ટીમને હાર્દિક અભિનંદન.

Advertisement
Tags :
Advertisement
Advertisement