For the best experience, open
https://m.gujaratmirror.in
on your mobile browser.
Advertisement

પત્ની રિસામણે આવતા પતિ સહિતના શખ્સોનો બહેન ભાઈ ઉપર હુમલો

05:03 PM Apr 27, 2024 IST | Bhumika
પત્ની રિસામણે આવતા પતિ સહિતના શખ્સોનો બહેન ભાઈ ઉપર હુમલો

શહેરમાં ગ્રીનલેન્ડ ચોકડી પાસે આવેલી માલધારી સોસાયટીમાં પતિના ત્રાસથી પરિણીતા ભાઈના ઘરે ચાલી આવી હતી જેથી બનેવી સહિતના શખ્સોએ ઘરે આવી પત્ની અને સાળા ઉપર હુમલો કરી માર માર્યો હતો હુમલામાં ઘવાયેલા બેન-ભાઈને તાત્કાલિક સારવાર માટે સિવિલ હોસ્પિટલમાં દાખલ કરવામાં આવ્યા હતા.
આ બનાવ અંગે પોલીસમાંથી જાણવા મળતી વિગત મુજબ ગ્રીનલેન્ડ ચોકડી પાસે આવેલી માલધારી સોસાયટીમાં રહેતા જીતુભાઈ વલ્લભભાઈ રાઠોડ (ઉ.વ.29) અને તેની બહેન સરોજબેન વિશાલભાઈ સોલંકી (ઉ.વ.20) બંને રાત્રીના પોતાના ઘરે હતા ત્યારે મધરાત્રે ત્રણેક વાગ્યાના અરસામાં બનેવી વિશાલ કિશન અને અજુ કિશન સહિતના શખ્સો છરી ધોકા સાથે ધસી આવ્યા હતા અને જીતુભાઈ રાઠોડ અને સરોજબેન સોલંકી ઉપર હુમલો કરી માર માર્યો હતો. હુમલામાં ઘવાયેલા જીતુભાઈ રાઠોડ અને સરોજબેન સોલંકીને તાત્કાલિક સારવાર માટે સિવિલ હોસ્પિટલમાં દાખલ કરવામાં આવ્યા હતા.

Advertisement

પ્રાથમિક પૂછપરછમાં સરોજબેન 15 વર્ષની હતી ત્યારે વિશાલ તેને ઉપાડી ગયો હતો અને મારકુટ કરતો હતો. પતિના ત્રાસથી કંટાળી સરોજબેન સોલંકી માલધારી સોસાયટીમાં રહેતા પોતાના ભાઈ જીતુભાઈ રાઠોડના ઘરે ચાલી આવી હતી ત્યારે વિશાલ પોતાના ભાઈ સહિતના શખ્સો સાથે આવી જીતુ રાઠોડને તે કેમ સરોજને સાચવી છે તેમ કહી હુમલો કર્યો હોવાનો આક્ષેપ કરવામાં આવ્યો છે. આક્ષેપના પગલે બી ડિવિઝન પોલીસે નોંધ કરી વધુ તપાસ હાથ ધરી છે.

Advertisement
Advertisement
Tags :
Advertisement
Advertisement