ઢોલ-નગારાના તાલ સાથે અનંત અંબાણીની જાન પહોંચી જિયો વર્લ્ડ સેન્ટર, VVIP મહેમાનોનું આગમન, જુઓ વિડીયો
એશિયાના સૌથી ધનિક ઉદ્યોગપતિ મુકેશ અંબાણીના નાના પુત્ર અનંત અંબાણી આજે રાધિકા મર્ચન્ટ સાથે લગ્નના બંધનમાં બંધાશે. મુંબઈ સ્થિત જિયો વર્લ્ડ કન્વેન્શન સેન્ટરમાં આ બંને કપલના શાહી લગ્ન યોજાવાના છે. ત્યારે ઢોલ-નગારાના તાલ સાથે અનંત અંબાણીની જાન જિયો વર્લ્ડ સેન્ટર ખાતે પણ પહોંચી ગઈ છે. પાઘડી બાંધવાની વિધિ શરૂ થઈ ગઈ છે. આ પછી 'મિલન' સમારોહ થશે.
મુકેશ અંબાણીના સૌથી નાના પુત્ર અનંત અંબાણીના લગ્ન માટે આખો અંબાણી પરિવાર જાન સાથે Jio વર્લ્ડ કન્વેન્શન સેન્ટર પહોંચ્યો છે. અન્ય મહેમાનો પણ આવવા લાગ્યા છે.'મિલન' સમારોહ બાદ રાત્રે 8 વાગ્યે વરમાળા થશે. લગન, સાત ફેરા અને સિંદૂર દાનની વિધિ રાત્રે 9.30 કલાકે શરૂ થશે.
અનંત અને રાધિકાના જ્યાં લગ્ન યોજાવના છે, ત્યાં જિયો વર્લ્ડ સેન્ટર ખાતે દેશ-વિદેશના સિલિબ્રિટીઓનો જમાવડો શરૂ થઈ ગયો છે.