For the best experience, open
https://m.gujaratmirror.in
on your mobile browser.
Advertisement

ન્યૂ જાગનાથમાં કાર સાઇડમાં પાર્ક કરવાનું કહેતા વૃદ્ધનો પાડોશી શખ્સે હાથ ભાંગી નાખ્યો

04:50 PM May 15, 2024 IST | Bhumika
ન્યૂ જાગનાથમાં કાર સાઇડમાં પાર્ક કરવાનું કહેતા વૃદ્ધનો પાડોશી શખ્સે હાથ ભાંગી નાખ્યો
oplus_2097184
Advertisement

શહેરમાં ન્યુ જાગનાથમાં કાર સાઈડમાં પાર્ક કરવાનું કહેતા વૃદ્ધ ઉપર પાડોશી શખ્સે હુમલો કરી હાથ ભાંગી નાખ્યો હતો. હુમલામાં ઘવાયેલા વૃદ્ધને તાત્કાલિક સારવાર માટે ખસેડવામાં આવ્યા હતા.

આ બનાવ અંગે પોલીસમાંથી જાણવા મળતી વિગત મુજબ જાગનાથમા રહેતા મુકુન્દરાય રતિલાલભાઈ પારેખ નામના 76 વર્ષ વૃદ્ધ પોતાના ઘરે હતા ત્યારે સાંજના ચારેક વાગ્યાના અરસામાં પાડોશમાં રહેતા શૈલેષ માંડલીયા નામના શખ્સે ઝઘડો કરી ઢીકા પાટુનો માર માર્યો હતો. વૃદ્ધને ઇજા પહોંચતા તાત્કાલિક સારવાર માટે સિવિલ હોસ્પિટલમાં દાખલ કરવામાં આવ્યા હતા. જ્યાં વૃદ્ધનો હાથ ભાંગી ગયો હોવાનું તબીબી તપાસમાં સામે આવ્યું હતું. પ્રાથમિક પૂછપરછમાં હુમલાખોર શૈલેષ માંડલિયા પોતાની કાર પાર્ક કરતો હતો ત્યારે મુકુન્દરાય પારેખે કાર સાઈડમાં પાર્ક કરવાનું કહેતા શૈલેષ માંડલિયાએ ઉશ્કેરાઈ જઇ વૃદ્ધનો હાથ મરડી નાખતા હાથ ભાંગી ગયો હોવાનું જાણવા મળ્યું છે.

Advertisement

આ ઉપરાંત અન્ય બીજા બનાવમાં સમૃદ્ધિનગરમાં આવેલા ચાર માળિયા ક્વાર્ટરમાં રહેતા અશ્વિન બચુભાઈ મકવાણા નામનો 35 વર્ષનો યુવા રાત્રિના આઠેક વાગ્યાના અરસામાં પોતાના ઘર પાસે હતો ત્યારે હિતેશ અને સાહિલ નામના બંને શખ્સે પાઇપ વડે માર માર્યો હતો. હુમલામાં ઘવાયેલા યુવકને તાત્કાલિક સારવાર માટે સિવિલ હોસ્પિટલમાં દાખલ કરવામાં આવ્યો હતો. ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે.

Advertisement
Tags :
Advertisement
Advertisement