અમરેલીની ધો.10ની છાત્રા ઉપર દુષ્કર્મ આચરનારને 20 વર્ષની સજા ફટકારતી કોર્ટ

અમરેલીની શૈક્ષણિક સંસ્થામાં ધોરણ 10 માં અભ્યાસ કરતી અમદાવાદની વિદ્યાર્થીની ઉતરાયણ ની રજા પૂરી કરી પરત આ સંસ્થામાં અમદાવાદથી અમરેલી હિંમત ટ્રાવેલ્સની ખાનગી બસમાં આવી રહી હતી ત્યારે તેનો પીછો કરી રહેલ ધ્રુવ રાકેશ પરમાર નામના યુવાને આ વિદ્યાર્થીની સાથેની અન્ય વિદ્યાર્થીનીને બીજા સોફામાં મોકલી ચાલુ બસે આ વિદ્યાર્થીની ઉપર બે વખત બળાત્કાર કર્યો હતો અને અમરેલી દાદા ભગવાનનું મંદિર કામનાથ એસટી બસ સ્ટેન્ડ સહિતની જગ્યાએ બે દિવસ સુધી ફેરવી હતી તારીખ 20 ના રોજ રાત્રે આ વિદ્યાર્થીને તે જે સંસ્થામાં અભ્યાસ કરે છે ત્યાં જતા આ ઘટના પ્રકાશમાં આવી હતી અને મૂળ જસદણના કાર્ય ગામના વતની ધ્રુવ રાકેશ પરમાર સામે પોકસો કાયદા અન્વયે ગુનો દાખલ થયો હતો અમરેલી તાલુકા પોલીસ સ્ટેશનના ઇન્ચાર્જ પીઆઇ પ્રશાંત લક્કડ ની ટીમે એસ પી હિમ કર સિંહ ના માર્ગદર્શન હેઠળ તપાસ કરી કડીબદ્ધ પુરાવાઓ એકત્ર કર્યા હતા આ કેસ અમરેલી ની સ્પેશિયલ પોકસો જજ ડીએસવાસ્તવ સમક્ષ ચાલી જતા જિલ્લા સરકારી વકીલ મમતાબેન ત્રિવેદી એ આરોપીને દાખલા રૂૂપ સજા કરવા કરેલી ધારદાર દલીલો તથા તેમણે રજૂ કરેલા પુરાવાઓ ધ્યાને લઈ આરોપી ધ્રુવ રાકેશ જીતુભાઈ પરમાર રહેવાસી 18 ક્રિષ્ના એપાર્ટમેન્ટ દ્વારકા સોસાયટી અમદાવાદને ભારતીય દંડ સહિતા ની કલમ નંબર 363 366 માં સાત વર્ષની સજા અને દસ હજાર દંડ તથા પોખશો એક જ ની કલમ 4 8 10 12 18 અને શાભ 376 354 મુજબ 20 વર્ષની સખત કેદ તથા 20,000 નો દંડ કરાયો હતો ભોગ બનનારને ચાર લાખ રૂૂપિયા વળતર પેટે ચૂકવવા આદેશ કર્યો હતો.

અત્રે ઉલ્લેખનીય છે કે અમરેલીના આ કેસમાં આરોપી દ્વારા આઠ એક વખત જામીન અરજી કરવામાં આવી હતી. પીડીતાના પરિવારને કાયદા ઉપરથી વિશ્વાસ ઉઠી ગયો હતો. પરંતુ કાયદાનું પાલન અને અમલ સાચી રીતે થતા કાયદા ઉપર પુન:વિશ્વાસનું સ્થાપન થયું.. 14 વર્ષની આણસમજુ દીકરીની પાછળ આ અવસ્થા અમદાવાદથી જ પાછળ પડ્યો હતો દીકરીની જિંદગી બચાવવા માટે માવતર દ્વારા તેમને અઢીસો કિલોમીટર દૂર અમરેલી ખાતે અભ્યાસ માટે મૂકી હતી. 2021 માં પોકસો થી બચી ગયેલ ધ્રુવની હિંમત ખુલી ગઈ હતી કાયદો કશું કરી લેતો નથી અને આ જ ભૂલ માં 2023 માં અમદાવાદ થી પીછો કરી અમરેલી આવ્યો હતો.