For the best experience, open
https://m.gujaratmirror.in
on your mobile browser.
Advertisement

6 મેચ હાર્યા બાદ અંતે RCBની જીતનો સૂરજ ઉગ્યો

12:42 PM Apr 26, 2024 IST | Bhumika
6 મેચ હાર્યા બાદ અંતે rcbની જીતનો સૂરજ ઉગ્યો
  • વિરાટ કોહલી, રજત પાટીદારે ફિફ્ટી ફટકારી, સ્પિનરોએ બાજી પલટી

Advertisement

રોયલ ચેલેન્જર્સ બેંગ્લોરે સનરાઈઝર્સ હૈદરાબાદને 35 રનથી હરાવ્યું છે. પહેલા રમતા આરસીબીએ નિર્ધારિત 20 ઓવરમાં 206 રનનો વિશાળ સ્કોર બનાવ્યો હતો. બેંગલુરુ તરફથી વિરાટ કોહલી અને રજત પાટીદારે અડધી સદી ફટકારી હતી. બીજી તરફ, લક્ષ્યનો પીછો કરતી વખતે SRHની શરૂઆત સારી રહી ન હતી કારણ કે ટીમે 50 રનની અંદર 3 મોટી વિકેટ ગુમાવી દીધી હતી.

ટ્રેવિસ હેડ આ વખતે કોઈ તોફાન ન સર્જી શક્યો જેણે માત્ર 1 રન બનાવ્યો. જ્યારે તેના પાર્ટનર અભિષેક શર્માએ શરૂઆત તો કરી, પરંતુ ટીમને સારી સ્થિતિમાં ન લાવી શક્યો. અભિષેકે 13 બોલમાં 3 ચોગ્ગા અને 2 છગ્ગાની મદદથી 31 રન બનાવ્યા હતા. હૈદરાબાદના બેટ્સમેનો ખાસ કરીને સ્પિન બોલિંગ સામે સંઘર્ષ કરતા જોવા મળ્યા હતા. RCBના સ્પિન બોલરોએ આ ઇનિંગમાં 5 વિકેટ ઝડપી હતી.

Advertisement

સનરાઇઝર્સ હૈદરાબાદે પાવરપ્લે ઓવરમાં 62 રન બનાવ્યા હતા, પરંતુ ટીમે પણ 4 વિકેટ ગુમાવી દીધી હતી. 85 રનના સ્કોર પર SRHએ છઠ્ઠી વિકેટ ગુમાવી ત્યારે 10મી ઓવર શરૂૂ થઈ હતી. એવું લાગી રહ્યું હતું કે હૈદરાબાદ આ મેચ મોટા અંતરથી હારી જશે. દરમિયાન, કેપ્ટન પેટ કમિન્સ અને શાહબાઝ અહેમદ વચ્ચેની 39 રનની ભાગીદારીએ SRHને આશા આપી હતી, પરંતુ કમિન્સ 15 બોલમાં 31 રન બનાવીને આઉટ થયો હતો. કમિન્સે પણ પોતાની ઇનિંગમાં 1 ફોર અને 3 સિક્સર ફટકારી હતી. શાહબાઝ અહેમદે હૈદરાબાદ માટે 37 બોલમાં 40 રનની ઇનિંગ રમી હતી, પરંતુ 19મી ઓવરમાં મોહમ્મદ સિરાજ અને યશ દયાલની ચુસ્ત બોલિંગે 35 રનથી આરસીબીનો વિજય સુનિશ્ચિત કર્યો હતો.

રોયલ ચેલેન્જર્સ બેંગ્લોરે 3 સ્પિન બોલિંગ વિકલ્પો સાથે સનરાઇઝર્સ હૈદરાબાદ સામેની મેચમાં પ્રવેશ કર્યો. આ વ્યૂહરચના પ્રથમ ઓવરથી જ અસરકારક સાબિત થઈ કારણ કે વિલ જેક્સે ટ્રેવિસ હેડને આઉટ કર્યો. આ દરમિયાન કરણ શર્માએ 4 ઓવરમાં માત્ર 29 રન આપીને 2 વિકેટ લીધી હતી. જોકે ત્રીજા સ્પિનર સ્વપ્નિલ સિંહે 3 ઓવરમાં 40 રન આપ્યા હતા, પરંતુ તેણે એડન માર્કરમ અને હેનરિક ક્લાસેનની વિકેટ લઈને RCB માટે મેચને એકતરફી બનાવી દીધી હતી. મેચમાં યશ દયાલે 1 વિકેટ અને કેમરન ગ્રીને 2 વિકેટ લીધી હતી.

Advertisement
Tags :
Advertisement
Advertisement