For the best experience, open
https://m.gujaratmirror.in
on your mobile browser.
Advertisement

રાજકોટ જેલની 40 ફૂટ ઊંચી દીવાલ કૂદી ભાગવાનો પ્રયાસ કરનાર કેદી સામે નોંધાતો ગુનો

05:07 PM Jun 24, 2024 IST | Bhumika
રાજકોટ જેલની 40 ફૂટ ઊંચી દીવાલ કૂદી ભાગવાનો પ્રયાસ કરનાર કેદી સામે નોંધાતો ગુનો
Advertisement

રાજકોટ સેન્ટ્રલ જેલની 40 ફૂટ ઊંચી દિવાલ કૂદી દૂષ્કર્મના ગુનામાં પકડાયેલા કાચા કામના કેદી રાહુલ ચંદુભાઈ વાઘેલા(ઉ.વ.24)એ ભાગવાનો પ્રયાસ કરતાં નીચે પટકાતા ગંભીર ઈજા સાથે સિવિલમાં ખસેડાયો હતો.આ ઘટનાને પગલે જેલના સ્ટાફે પોલીસમાં રાહુલ વિરુદ્ધ ફરિયાદ નોંધાવી હતી.

પ્ર. નગર પોલીસમાંથી વિગતો જાણવા મળી હતી કે,આજીડેમ પોલીસ વિસ્તારની તરૂૂણીનું અપહરણ કરી દૂષ્કર્મ ગુજારવાના પોકસો એકટ હેઠળના ગુનામાં મથકમાં રાહુલની ધરપકડ કરાઈ હતી. તપાસના અંતે આજીડેમ પોલીસે તેને ગઈ તા.14ના રોજ જેલહવાલે કર્યો હતો.રવિવારે બપોરે તેણે જેલની 40 ફૂટ ઊંચી દિવાલ કૂદી ભાગવાનો પ્રયાસ કર્યો હતો.જેમાં તે નીચે પટકાતા સિવિલમાં ખસેડાયો હતો.

Advertisement

જેલના સૂત્રોએ જણાવ્યું કે,રાહુલ બેરેકની ટેરેસ ઉપર પહોંચ્યો હતો અને જ્યાં દસેક ફૂટના અંતરે દિવાલ છે. ટેરેસ પરથી તેણે સીધો દિવાલ ઉપર કૂદકો મારતાં લાઈવ વાયર કૂદી બહારની સાઈડ જેલની ગૌશાળા પાસે પટકાયો હતો.બોર્ડર વિંગના જવાનોને જાણ થતાં તેઓ કેદી પાસે દોડી ગયા હતા.તેમજ તત્કાળ એમ્બ્યુલન્સ મગાવી ઇજાગ્રસ્ત રાહુલ સિવિલમાં ખસેડયો હતો.ત્યાર પછી ઈન્ચાર્જ જેલર અશોકસિંહ રાઠોડે તેના વિરૂૂધ્ધ જેલમાંથી ભાગી જવાની કોશિષ કરવાની કલમ 224 હેઠળ પ્ર.નગર પોલીસ મથકમાં ગુનો દાખલ કરાવ્યો હતો. રાહુલ કોઠારીયા સોલવન્ટ પાસેના ગોપાલનગર 25 વારીયા કવાર્ટરમાં ભાડે રહે છે.આ ઘટના નવી જેલ-2 યાર્ડ નં.3 પાસે બન્યાનું જણાવાયું છે.આ ગુનાની તપાસ એએસઆઈ ડી.વી. ખાંભલા અને સ્ટાફે તપાસ શરૂૂ કરી છે.

Advertisement
Advertisement
Advertisement