મોરબીની મચ્છુ નદીમાં રેસ્કયૂ ઓપરેશન બાદ 26 કલાકે ત્રણેય મૃતદેહો હાથ લાગ્યા
મોરબીના નવા સાદુળકા ગામ નજીક નદીમાં ન્હાવા ગયેલ યુવાન અને બે સગીર પાણીમાં ડૂબી જતા ફાયર ટીમને જાણ કરવામાં આવતા મોરબી અને રાજકોટ ફાયર ટીમે બુધવારે રાત્રી સુધી સર્ચ ને રેસ્ક્યુ ઓપરેશન ચલાવ્યું હતું છતાં કોઈ પત્તો લાગ્યો ના હતો તો આજે એનડીઆરએફ અને એસડીઆરએફ ટીમની મદદ લેવામાં આવી હતી અને ત્રણેયના મૃતદેહ હાથ લાગ્યા હતા.
મોરબીના મચ્છુ 3 ડેમ પાસે નદીમાં બે સગીર અને એક યુવાન ડૂબ્યા હતા બુધવારે સવારે ઘટના બની હતી જેથી ગ્રામજનો દોડી ગયા હતા અને ફાયરની ટીમને જાણ કરવામાં આવતા મોરબી ફાયર ટીમે રેસ્ક્યુ ઓપરેશન શરુ કર્યું હતું અને રાજકોટ ટીમની મદદ પણ લેવામાં આવી હતી મોરબી અને રાજકોટ ફાયર ટીમે બુધવારે રાત્રી સુધી રેસ્ક્યુ ઓપરેશન ચલાવ્યા છતાં ત્રણેયનો કોઈ પત્તો લાગ્યોં ના હતો અને અંધકારને પગલે રેસ્ક્યુ ઓપરેશન બંધ કરવું પડ્યું હતું.
તો ગુરુવારે સવારથી ફાયરની ટીમો ઉપરાંત એનડીઆરએફ અને એસડીઆરએફ ટીમો સાથે રેસ્ક્યુ ઓપરેશન શરુ કરવામાં આવ્યું હતું જેમાં વહેલી સવારે ભંખોડીયા ગૌરવનો મૃતદેહ મળી આવ્યો હતો તો બાદમાં પરમાર ચિરાગ તેજાભાઈ અને ત્યારબાદ ધર્મેશ ભુપેન્દ્રભાઈ ભંખોડીયાનો મૃતદેહ મળી આવ્યો હતો દુર્ઘટનામાં બે સગીર અને એક યુવાનના મોત થયા હતા જેથી ગામમાં શોકનું મોજું ફરી વળ્યું છે મોરબી-રાજકોટ ફાયર ટીમે 24 કલાક કરતા વધુ સમય સુધી જહેમત ઉઠાવી હતી જોકે છતાં ત્રણેયના મૃતદેહ જ હાથ લાગ્યા હતા બનાવને પગલે પોલીસ ટીમ દોડી ગઈ છે અને વધુ તપાસ ચલાવી છે.