For the best experience, open
https://m.gujaratmirror.in
on your mobile browser.
Advertisement

કચ્છમાંથી ઝડપાયેલું 130 કરોડનું ડ્રગ્સ ક્ધટેનરથી મગાવાયાનો ઘટસ્ફોટ

11:47 AM Jun 07, 2024 IST | Bhumika
કચ્છમાંથી ઝડપાયેલું 130 કરોડનું ડ્રગ્સ ક્ધટેનરથી મગાવાયાનો ઘટસ્ફોટ
Advertisement

તાલુકાના ખારીરોહર નજીક બાવળની ઝાડીમાંથી મળી આવેલાં 130 કરોડનાં પેકેટ વિદેશથી ક્ધટેનરો મારફતે મગાવવામાં આવ્યાં હોવાનું બહાર આવ્યું છે. મીઠીરોહર નજીક આવેલા એક ખાનગી ક્ધટેનર યાર્ડમાં ક્ધટેનરમાંથી ડી.આર.આઈ.એ. અગાઉ કોકેઈનનાં પેકેટ જપ્ત કર્યાં હતાં, તેના થોડા સમય બાદ મીઠીરોહર પાછળ દરિયાની ખાડીમાંથી સ્થાનિક એલી.સી.બી.એ 800 કરોડ ઉપરાંતના 80 પેકેટ હસ્તગત કર્યાં?
ડી.આર.આઈ.એ અગાઉ જપ્ત કરેલાં પેકેટ અને એલ.સી.બી.એ હસ્તગત કરેલા માલમાં સામ્યતા જે-તે વખતે બહાર આવી હતી. જે-તે વખતે પોલીસે તપાસ દરમ્યાન ડી.આર.આઈ.ની પણ મદદ લીધી હતી.પરંતુ ગમે તે કારણેઆ પ્રકરણમાં આરોપી ઝડપાયા નહોતા.દરમ્યાન બે દિવસ પહેલાં કંડલાથી ખારીરોહર બાજુમાં જતાં માર્ગની ડાબી બાજુએ આવેલી બાવળની ઝાડીમાંથી એ.ટી.એસ.એ 13 પેકેટ (13 કિલો) કોકેઈનનો જથ્થો હસ્તગત કર્યો હતો.

એ.ટી.એસ. પી.આઈ. અજિતસિંહ ચાવડા, પી.એસ.આઈ. એ. ડી. પરમારના માર્ગદર્શન હેઠળ આવેલી ટીમએ અહીંથી 130 કરોડનો માદક પદાર્થ જપ્ત કરી ગુનાહિત ઈતિહાસ ધરાવતા આસપાસના પાંચેક શંકાસ્પદ શખ્સોને પૂછપરછ માટે લઈ જવાયા હતા, પરંતુ તેમાં ખાસ કંઈ બહાર ન આવતાં તેમને જવા દેવાયા હતા.

Advertisement

અહીંથી જપ્ત કરાયેલું કોકેઈન વિદેશથી ક્ધટેનરો મારફતે મગાવવામાં આવ્યું હતું. જેમાં દક્ષિણ અમેરિકા, યુરોપના માર્ગથી આવેલા ક્ધટેનરોના ડેટાની તપાસ, જૂના ડ્રગ્સ માફિયાઓ, શંકાસ્પદ શખ્સોની પૂછપરછ, તેમનીગતિવિધિઓની માહિતી એકત્ર કરવામાં આવી રહી છે. બીજી બાજુ ટેકનિકલ એનાલિસીસનાં માધ્યમથી પણ માહિતી એકત્ર કરવામાં આવી રહી છે. સાથોસાથ કેન્દ્રીય એજન્સીઓના સંપર્કમાં રહી આવી ગુનાહિત પ્રવૃત્તિ સાથે સંકળાયેલ ઈસમોની શોધખોળ કરવામાં મદદ લેવાઈ રહી હોવાનું પોલીસે જણાવ્યું હતું.

Advertisement
Tags :
Advertisement
Advertisement