ધ ડાયરી ઓફ મણિપુર ફિલ્મથી અમિત રાવ બોલિવૂડમાં ડેબ્યૂ કરશે

ન્યૂટન અને સ્ત્રી 2 જેવી ફિલ્મોથી લોકપ્રિયતા મેળવનાર અભિનેતા રાજકુમાર રાવ બાદ હવે તેનો મોટો ભાઈ અમિત રાવ બોલિવૂડમાં ડેબ્યૂ કરી રહ્યો છે. તે ફિલ્મ ધ ડાયરી ઓફ મણિપુરમાં મુખ્ય ભૂમિકા ભજવશે. તેની સાથે ભજન સમ્રાટ તરીકે પ્રખ્યાત અનુપ જલોટા પણ મહત્ત્વના રોલમાં હશે. અનુપે બિગ બોસ 12માં આવીને પોતાની ઈમેજ બતાવી હતી.

હવે આ ફિલ્મમાં તે પોતાની અલગ સ્ટાઈલ બતાવશે. આ ફિલ્મનું નિર્દેશન સનોજ મિશ્રા કરી રહ્યા છે, જે હાલમાં જ ધ ડાયરી ઓફ વેસ્ટ બંગાળ માટે સમાચારોમાં હતા.ધ ડાયરી ઓફ વેસ્ટ બંગાળનો મામલો હજુ ઠંડો પડ્યો નથી. આ દરમિયાન સનોજ મિશ્રાએ ધ ડાયરી ઓફ મણિપુર પર કામ શરૂૂ કર્યું છે. તેણે મુંબઈમાં પત્રકાર પરિષદમાં અનુભવ સિન્હા પર નિશાન સાધ્યું અને કહ્યું કે તે તેમના જેવી ડાબેરી વિચારસરણીની ફિલ્મો બનાવી શકે નહીં.