આમિર ખાને લોન્ચ કરી પોતાની યુટ્યુબ ચેનલ

આમિર ખાન છેલ્લા કેટલાક સમયથી ફિલ્મોથી દૂર છે. 2022માં તેની છેલ્લી ફિલ્મ લાલ સિંહ ચઢ્ઢા રિલીઝ થઈ હતી અને એ પછી તેની કોઈ જ ફિલ્મ નથી આવી. આ સંજોગોમાં આમિર ખાને એક મોટી જાહેરાત કરી છે. તે નજીકના ભવિષ્યમાં પોતાની એક યુટ્યુબ ચેનલ લઈને આવી રહ્યો છે.

આમિર ખાનના હોમ-પ્રોડક્શન આમિર ખાન પ્રોડક્શન્સે પોતાની ઑફિશ્યલ યુટ્યુબ ચેનલ આમિર ખાન ટોકીઝ લોન્ચ કરી છે જેના પર એક્સક્લુઝિવ ક્ધટેન્ટ દર્શાવવામાં આવશે. આ ક્ધટેન્ટમાં ક્યારેય જાહેર ન થયેલી બિહાઇન્ડ ધ સીન્સ વાતો અને સ્પેશ્યલ સ્ટોરીઝ દર્શાવવામાં આવશે. આ ચેનલ પર આમિર પોતાની કરીઅર વિશે માહિતી આપશે.

આ યુટ્યુબ ચેનલ વિશે આમિરે કહ્યું હતું કે હું હંમેશાં એવું પ્લેટફોર્મ ઇચ્છતો હતો જેના માધ્યમથી હું મારી વાત લોકો સુધી પહોંચાડી શકું. આ ચેનલ પર અલગ-અલગ ડિરેક્ટર્સ પોતાના વિચાર રજૂ કરી શકશે. હું ઘણા સમયથી એવા માધ્યમની શોધમાં હતો જેની મદદથી હું જે કહેવા માગું છું એ દર્શકોની સામે અભિવ્યક્ત કરી શકું અને અમારી વચ્ચે કોઈ જ ન હોય. આ રીતે હું લોકોના વિચારો પણ જાણી શકીશ.